[A:254]'khod pa'i/ /yongs 'dzin bka' yi utpal chun po des/ /skal bzang lang tsho ma yi rna bar brgyan/ /sangs rgyas kun dang rdo rje yi/ /slob dpon mchod mtshungs rgyud sde'i lung / /drang dang ldem po'i gsung rab kyi/ /cha shas tsam yang ga la yin/ /gsang chen bdud rtsi'i khungs 'byin gtam/ /gaNDi'i dbyangs snyan bskul ba la/ /ming dang don du rjes mthun pa'i/ /rmi lam dge ba'i mtshan ma'ang mthong / /tshe gcig lus la rdo rje'i sar/ /chas pa'i skal bzang dam tshig can/ /rna ba'i bdud rtsi dga' ston la/ /tshogs kyi 'du ba 'dir byon cig /ji ltar na/ skal pa bzang po 'di'i snang 'dzad bzhi pa mnyam med shAkya'i dbang po 'dzam bu gling chung ngu 'di'i mi rnams tshe lo brgya pas 'tsho ba'i dus la zhing 'dir rgyal rigs mchog la byon te/ mdzad pa bcu gnyis kyi rim pas sku de nyid kyi dngos su 'dul ba'i don rnams mthar phyung ste/ gzugs sku zhi dbyings su bsdus nas sku gdung gi ring bsrel lha mi'i bsod nams kyi zhing du rgyas par mdzad/ theg pa gsum gyi lam ston pa'i gsung rab lha dang bcas pa'i 'jig rten gyi lam mtshon du ring zhig bzhugs te/ thub pa'i slob ma rgyal ba'i nyan thos dag kyang ji lta ji snyed pa'i chos ston pa ni/ de bzhin gshegs pa'i mthu yin par mdo sde zab mo dag las bshad la/ khyad par rdo rje theg pa ston pa'i dam pa rnams ni sangs rgyas rdo rje 'chang nyid slob dpon gyi gzugs su gnas par rgyud sde las gsungs pa bzhin/ skal pa mchog gi gdul bya rnams yid mtshan rtog las skyob pa'i slad du/ phyi nang gi bdud bzhi la gnyis su med pa'i ye shes/ rdo rje'i