[A:255]dbyug gus bsnun pas lnga brgya pa rnams la 'dzin ma'i gzhi 'dir rdo rje sems dpar rab tu grags pa/ don gyi slad du mtshan nas smos te/ rje btsun dam pa gzhon nu blo gros zhabs kyi rnam par thar pa theg mchog chos kyi gaNDi'i sgra dbyangs bskul bar bgyid lags so/ /de la don tshan du phye ste bsnyad na/ rigs dag pa mchod cing bkur 'os kyi gnas su bltams pa/ rgyal ba'i bstan pa la rjes su mthun par zhugs pa/ rang nyid gang nas gshegs pa'i lam bzang snod ldan la gsal bar mdzad pa dang gsum gyi/ dang po las rim par phye ste bsnyad na/ rigs brgyud gcig tu dkar ba mu tig gi phreng ba lta bu ni/ sngon jo bo a ti shas gsang ba'i chos zab mo rnams slob ma'i mchog dag la ston pa na/ 'brom rgyal ba'i 'byung gnas dang / khu ston chen po dag snang 'dren pa'i tshoms kyi skabs lo rgyus kyi mtshams sbyor mkhan/ yon bdag shAkya mgon gyi cho 'brang yin pa'i gtam yang snang / phyis de'i rigs brgyud las/ snye mo 'khrig gi yul grur khyim bdag gi rigs shing sA la chen po lta bu zam ma chad pa byung ste/ phun sum tshogs pa'i 'byor pa rgya mtshos gang zhing rgyas par gyur to/ /rigs de las dang por mchod 'os kyi dam pa mkhan chen sangs rgyas blo gros zhes pa byung ste/ de yang snye mo 'khrig tu 'khrungs/ mkhan chen rdo rje dpal ba'i mkhan brgyud kyi tshogs khrod du rab tu byung / sde de nyid kyi bya ba las kyi 'khor lo rnams ji ltar 'os pa mdzad nas/ mtshungs med g.yag sde paN chen bla mar bsten/ 'dul phar gyi gzhung / dus 'khor gyi dbang / rgyud 'grel gyi bshad pa/ snying po'i lam sbyor ba yan lag drug pa gsan