[A:257]yang sku chos shig byin rlabs rten la 'dug pas chu'i gnod pa bzlog nus pa sogs byin rlabs kyi mtshan ma yid ches su snang / mkhan po 'di la sne'u sdong gong ma chen po khu dbon gyis snga phyir sbyor drug gi 'khrid mang po gsan dus kyi snyan 'debs bka' shog da lta'ang 'dug par bkur cha che ba gdan sa thel gyi spyan snga dang mnyam par 'dug cing / spyan snga la dpal ldan bzang po dang/ lha gzigs ras pa gnyis ka'i bsnyen rdzogs kyi mkhan po mdzad pas sde che phra mang por sdom rgyun gyis khyab / yongs rdzogs kyi mkhas pa mkhan chen rgyal mtshan bzang po sogs/ don 'khrid kyi bka' drin thob pa'i slob ma mkhas pa dang myong can mang po byung / yol gyi gdan sar mkhan chen blo gros rgyal mtshan ni/ mkhan po gong ma'i snag dbon zhig tshogs khrod du rab tu byung zhing bsnyen par rdzogs/ gro sar dmar ston rgyam rin pa la brten nas 'dul mdzod la sbyang / mdo rtsa la TIkka zhig mdzad pa legs par grags/ rin cen gling du dus 'khor bu lugs kyi dkyil chog rgyas pa zhi ba'i sbyin sreg dang bcas pa btsugs 'dug pa'i rgyun da lta'ang bzang bar yod/ tshogs mkhan por yang phebs/ gdan sa gsum pa mkhan chen bstan pa blo gros ni/ snye mor mkhan chen sangs blo'i sku mched mi chos pa zhig gi sras su 'khrungs pa'i rus dpon yin pa tshogs su rab byung bsnyen rdzogs/ sne'u sdong gong ma grags pa rgyal mtshan gyi bsko 'jas yol du bkod/ bla ma mang du bsten/ yol du gsang 'dus mi bskyod pa'i chog grwa bzang po btsugs/ 'du khang chen mo/ gtsang khang mgon khang rnams bzhengs/