[A:256]cing / thugs nyams su myong bar mdzad/ yol phu gser gling du shangs pa'i sgrub brgyud 'dzin pa gser gling pa bkra shis dpal las ni gu chos drug sogs bla ma shangs pa'i gdams pa rnams dang / gcod yul ma khrid chen mo gsan zhing / thugs nyams su bzhes pas sdom brtson mkhyen pa dang dngos grub kyis brgyan par gyur te/ bod shing sgo can gyi rgyal po sde srid phag mo gru pa dad mos thob ste/ snga phyir chos mang po gsan/ tshogs chen gyi mkhan thog tu bzhugs ring 'dul ba 'dzin pa'i phyag len gyi bstan pa 'phel rgyas su mdzad/ kun spangs mdzad nas tsa ri mtsho dkar/ 'phyos stol po phug /mkha' reg sha ngos/ yol phu ri gong nang sogs dben gnas mang po rim can du bzhugs/ de dag tu dbang 'khrid zhu ba'i tshogs pa mang du 'dus pa la lcog grwa mdzad/ de dus yol mda'i nub kyi cha/ sha mtsher gyi ri bo'i 'dabs na/ ni gsing gi steng du sman chab kyi rgyun 'bab bzang po zhig yod par lcog sgar dang bcas te bzhugs/ chab de sku la 'phrod pas de'i nye 'khris su dgon pa mdzad par bzhed nas/ thog mar bsam gtan sgang zhes pa'i brang khang btab nas bzhugs/ de nas sa'i snying non par brang khang che ba zhig mdzad pa'i g.yos khang de/ rten 'byung legs par dmigs nas dur khrod cig yod par mdzad pa'i rnam pa da lta'ang 'dug /de nas grwa khang mang du 'phel/ rgyud sde'i rtse mo dus kyi 'khor lo'i bskyed rdzogs nyams su len pa'i rnal 'byor pho mo rab byung gi rtags cha lugs tshang zhing / ngang tshul la gnas pa brgya phrag du ma 'dus pa'i dgon gnas la yol rin chen gling zhes grags par gyur to/ /bla ma 'dis dgung lo brgya dang dgu bzhugs/ da lta