[A:404] /de nas la 'gar sleb tsa na/ lcang shol smug thib se ba'i gseb na dgon pa khra phung nge ba g.yu thog dang bcas pa/ zur dril sil chom me ba mthong bas/ rab tu dga' ba chen po sngar dang cha 'dra ba byung / de nas grwa tshang gi gling du sleb pa dang / grwa pa rnams dga' ba'i glu len bro 'khrab cing 'dug / kun mkhyen lcags thang pa chen po gling du spyan drangs byung bas/ rang yang dad pa skyes shing kun mkhyen chen po thugs shin tu dges/ ming la ci zer gsung / klu rgyal nor bu zer zhus pas cung zad zhal 'dzum pa dang bcas pas/ khyod kyi ming zur gyi klu de chad pas mi yong ba 'dug /da khyed yon tan che ba 'dod dam/ grags pa che ba 'dod gsung rang 'dod zhu ma spobs pa la yon tan che ba 'dod na klu sgrub rgya mtsho/ grags pa che ba 'dod na klu sgrub rgyal mtshan zer dgos te/ yon tan yod na grags pa lhun grub yin pas klu sgrub rgya mtsho gyis gsung / de yang 'das ma 'ongs su klu'i ming can cig yin pa'i mngon mkhyen du 'dug /gsang ba'i lung bstan cig yin zer ba'i 'ud byas kyang rdzun du mi 'gro las che/ de'i sang nyin mkhan po lcags thang chos rje/ slob dpon paN chen bzang bkras/ zhu ba po grib tshod dang bcas pa'i dge 'dun gyi dbus su rab tu byung / ming mang thos klu sgrub rgya mtsho gyis gsung / de'i nub gcig gi rmi lam na kun mkhyen chen po chos khri chen mo'i steng na bzhugs/ grwa pa rnams byin chos grwa nas langs 'gro ba tsam 'dug /kho bo la shog gsung chos khri'i mdun du phyin pas/ zhabs chen mo 'jad de ba de spyi bor bzhag /de'i steng du chos 'chad 'phro'i bseg ka li chen mo bzhag nas smon lam mang po 'debs pa gnang gin 'dug /kho bo dga' spro dang dad pas mchi ma mang po shor/ da khyed lo bcu gnyis las sdod long mi 'dug go gsung