[A:403]gzhung sbrel sbyor 'god gtsang sing ba byas pas/ gzhung bskyur ba'i tshe las chen rnams gre sug ling nge ba la/ kho bos sbyor 'god grub mtshams las chen rnams dbu gug pa dang / zhal 'dzum bag dang ldan par gyur to/ /de yang 'phrin las cung zad khyab che ba tsam yong pa'i rten 'brel yin nam snyam phyis shar ro/ /de nas rang lo bco lnga pa sa mo bya mnyan yod bya gshongs btab nas lo drug cu skor gcig song ba'i tshe/ dbus gtsang yongs na grags pa'i dpal mnyan yod bya rgod gshongs zhes yongs su grags pa'i grwa sa chen po de nyid du mkhan po'i mchog kun mkhyen lcags thang rab 'byams pa byams pa bsod nams dpal bzang po zhes snyan grags phyogs kyi rna ba'i rgyan du gyur pa des/ lo grangs nyi shu rtsa bdun 'chad nyan mdzad/ blo gsal gyi slob bu grangs med bskrun par mdzad de/ bstan pa'i bya ba mthar phyin pa mdzad rjes dgung lo drug cu rtsa bzhi pa la/ paN grub bzang po bkra shis gdan sar bskos pa'i lo 'jam dbyangs bla mas bdag la grogs bsod nams dpal 'byor dang / dge 'dun seng ge zhes bya ba gnyis dang bcas slob gnyer la rdzong bar mdzad/ blo bde gong kar sleb tsam nas dgon pa khra phung nge ba g.yu thog dang bcas pa zhig mthong byung bas bo dong e pha gi na byas pas/ grogs gnyis na re/ bo dong e min/ e dang bya gshongs la da dung thag ring zer/ de nas la chung der sleb la khad du bud med gos khra mo gyon pa zhig dang phrad/ bya gshongs gang na yod byas pas/ la chung 'di'i phag na yod/ myur du sleb pa yod pas mgyogs se rgyug zer/ dga' ru tshor ba byung / dmag zor ma'i sprul pa yin pa 'dug zer ba'i 'ud byas kyang chog pa tsam 'dug