[A:507]de skabs slob ma dang tshogs pa gnyis kyi khyad par shes dgos/ de nas de gnyis la bshad rgyu'i chos kyi rnam dbye shes dgos pa la brjod bya'i don la rtog dpyod ma shar bzhin du ming tsam gyi thugs 'tshang ba bden yang nyan thos senta pas theg pa chen po'i chos bka' ma yin zhes smra ba la rgyal tshab byams pas/ thos rjes 'brangs te blo ldan thob nas ni/ /gang zhig thos la rab tu brnyas byed na/ /rnam pa sna tshogs dpag tu med 'dus ni/ /rmongs pa gang gi phyir na nges par byed/ /ces khyed nyan thos senta pas theg chen gyi chos bka' ma yin zhes skur ba 'debs pa mi rigs te/ de bka' yin min shes pa la theg chen chos kyi tshig mtha' dag rna bas thos shing / don la yin min gyi rtog dpyod shar ba zhig dgos pa las khyed de lta bu ma yin pa'i phyir zhes gsungs pa 'di tshig dngos bstan senta pa la 'phangs kyang don gyi snying po mkhas rlom gzhan dag la phog snang ba'i phyir dang / sa paNDi tas/ bsngo ba de yang mdor bsdus na/ /gnas dang gnas ma yin pa gnyis/ /zhes de dag gi lung sbyor dang bcas gsungs kyang bu ston rjes 'brang dang bcas pa sogs gnas dang gnas min gyi bsngo ba'i don thugs la ma chags shing mdo de dag las/ 'di gnas kyi bsngo ba/ 'di gnas min gyi bsngo ba zhes pa'i ming byang zhig dngos su ma 'byar ba dang / rab dbye las/ de ltar bshad pa'i don ma dgongs bzhin du tshig de la skrag nas/ gnas dang gnas min gyi bsngo ba zhes pa bka' bstan bcos gang nas kyang bshad pa ma mthong zhes sogs kyi mu cor smra ba dang sgra ji bzhin du mtshungs pa'i phyir ro/ /de lta bu'i lan yang thung tsam