[A:508]'bul dgos byung ba yin no/ /chos slob tshogs bshad pa gces pa'i bu/ /rang nyams len 'phangs par mchis bzhin du/ /ma smyon mos bu ngo ma shes bzhin/ /khong mkhas rnams bzhad gad thag ge ba/ /yang rang lo nga bzhi pa shing mo bya lo rin spungs nas dpon zhang ma mthun par bsam rtse sku mdun gyi zhal bdag gnang ba'i skabs phyogs kyi dbon rigs la mjal phrad la phyin/ bsam rtser sku mdun dang mjal rigs lung dogs gcod sogs shin tu 'phel bar byung / sku mdun zhal nas chos thams cad bden par ma grub pa'i gnad kyis mtshan nyid pa'i rigs pa 'di gang sgrub sgrub yin pa 'dug gsung / 'jig rten rgan po'i gtam shin tu ngo mtshar/ de nas rin spungs la mjal 'dod yod pa la gzhan rnams zer dus sku mdun la zhus na mi dgyes pa mdzad zer/ rang gi gsang na mi legs bsam dngos bstan zhus pas shin tu phebs pas thus/ yang pa rnam na sde pa rgyal po bzhugs pas der mjal tsam gnang na yang go chod gsung shin tu dgyes pa mdzad/ gnang sbyin zur gsos lam chas gya nom pa gnang yar lam yang 'dir byon cig gsung / bya bzang sogs la lam bde mi bde ji ltar yod zhus pas dog ste dog po yod kyang skyon te mi skyon phebs yig byas pas chog gsungs nas lam yig gnang / thal le phyin pas lam bde mo byung rin sbungs su mjal thugs dgyes par byung / phugs 'di phyogs na gnas dben po yang yod mthun rkyen yang 'dzom po yod khor re bzhugs pa zhig e yong de bdag gis lag tu mi longs zhus/ phyag g.yog rnams na re gzhan drag zhan kun gyis 'gro 'tsham