[A:572]dang bdud rtsi byin rlabs byas/ der rjes bar chad bsal ba sogs 'khrid rdzogs par byas/ theg chen pas mdzad pa'i spros med tshig rkang gi rnam 'grel dang / rje ngor nas mdzad pa'i spros med mdzes rgyan sogs lung rnams kyang cha tsam song / de dus phyag chen rtsod spong gi 'go thor tsam la padma dkar pos mchan bu gnang 'dug pa'i yang lan spyan dbye ba'i cho ga de yang de dus brtsams pa yin/ rje grags pa mkha' spyod spyan 'dren pa'i/ /shel skas rings btsugs pa'i padma'i gdan/ /rje bla mas rta mgrin zhal gzigs pa'i/ /gnas bzang po rang byung rdo'i phug par/ /rje rnal 'byor dbang phyug bi rU'i srol/ /rang cig car 'khrid pa'i lam gyi mchog /chos spros pa med pa'i gdams pa byin/ /nyams rtogs pa'i rdzing bu khol bar shog /de nas stag gi lo de la mi'i dbang po dgra 'dul don grub kyis rgyud gnang dgos gsung nan gyis bskul/ chos mnyan pa zhabs drung gtso bor bzhugs pa'i/ chos rje gtsang tshul/ rgyang rab 'byams pa byams pa rgyal mtshan/ byang rab 'byams pa nam mkha' rnam rgyal/ lhas sdings rab 'byams pa mang thos dga' ba'i bshes gnyen/ gong dkar rab 'byams pa byams pa snying po/ gcung rab 'byams pa dbon byams pa rgyal mtshan/ mtsho sgo dge slong pa/ grang chen pa sum cu skor yod/ de rnams kye rdor man ngag lugs kyis smin pa yang 'dug kyang rang gi rgyud bshad thog ma yin pas man ngag lugs kyi dbang yang byas/ rang re sa lugs kyi rgyud bshad 'di man ngag lugs