[A:573]dang 'grel pa lugs zung 'brel yin pas/ 'grel pa lugs kyi dbang yang 'brel chags snyam nas dbang de yang byas/ de nas rang re sa skya pa'i phyag srol sngon 'gro tshul bzhin dang / rgyud kyi dngos gzhi gnyis nges par dgos pas thog mar bshad bya'i rgyud bshad thabs kyi man ngag des ji ltar 'chad tshul gsum tshang ba ni rgyud sde spyi rnam yin pas de'i zin thun btang / de rjes rgyud kyi mngon par rtogs pa lag tu blang ba'i rim pa ni mngon rtogs ljon shing yin pas de'i zin thun btang / 'di rnams kyi zin thun gtong ba la spyir mdo sngags zung 'jug /khyad par du grub mtha' smra ba bzhi'i rnam bzhag legs par phyed pa'i rnam dpyod dang ldan pa zhig ma byung na mgrin pa thung bsril 'gro bas/ gzhan gyis brtsams chos la klog sgrogs re ba tsam las mi 'byung ba yin no/ /rgyud sngon 'gro'i zin thun byed pa la/ /mdo sngags kyi pha rol son nas kyang / /khong grub mtha'i rnam dbye phyed pa dgos/ /de mi byed klog sgrogs mchod gnas tsam/ /de nas gsol phu nas zhabs drung chen mo sku tshe ma brtan pas yong dgos gsung bang chen byung / rje bla ma kun dga' mchog ldan la bang chen 'di ltar byung / sngon 'gro dngos gzhi'i mtshams shig 'dug pas yud tsam phyin na e khyab zhus pas rgyud ni shin tu gnyan/ sbyin bdag ni sku khag shin tu che ji ltar rigs dgongs pas gcod pa zhu gsung / rang za 'dod ltogs brel ma yin yang / /khong sbyin bdag snying nas dad ldan yin/ /chos sngon 'gro