[A:574]dngos gzhi'i bar 'di la/ /cung 'gal ba med snyam shar la chas/ /de nas rong tshor phyin/ sbyin bdag gshegs bzhugs kyi dgongs pa'i re ba bskang / zhag bcu tsam la mgyogs skor byas/ rgyud kyi dngos gzhi btsugs/ zla ba gsum tsam song de bar la chos ja tshogs 'khor sogs shin tu mang ba byung / rgyud sngon 'gro dngos gzhi gnyis la zin bris byed mkhan yang bdun tsam byung / khyad par rtse zhabs drung dang dge slong byams chos pa gnyis bsgrigs pa'i zin bris dang / ra nam mkha' rnam rgyal gyis bsgrigs pa'i zin bris gnyis rang gis kyang 'pho thabs byas tshig don 'byor po byung bar nges/ rang gis kyang 'grel pa dag ldan/ rnam bshad nyi 'od 'phags mchan rnams gdan du bting / 'grel ba lugs dang / man ngag lugs gnyis so sor dbye/ rang gi rnam dpyod kyi nus pa gang thon byas pas mi 'jigs pa'i spobs pa thob par sems so/ /rgyud brtag gnyis mkha' 'gro'i bka' yis gdams/ /khong mkhas rlom gzhan gyis sgo ma phyed/ /rang bla ma mkha' 'gro'i byin rlabs kyis/ /gnad bkrol nas skal bzang rnams la sbyin/ /de'i dus ra byams chos pa 'jam dbyangs dga' ba'i bshes gnyen gyis dpal ldan sa skyar rgyud kyi gra skor la phyin par skabs su rgyud kyi gra skor gyi srol 'di chad 'dug pas sa skya gong ma bu slob rnams kyang shin tu dgyes tshor che ba mdzad/ drung rams pas rgyud zin thun gyi steng nas bshad pa nyi ma gsum byas pas khong rnams 'di lta bu'i bshad pa ngo mtshar che ba yi