[A:598]sa lung nas sras chung ba gnyer pa dang bcas dkon gnyer dge slong sogs kyang byung 'bel ba'i gtam yang smra/ sang nyin mtsho bo lho sgor bsdad/ khang pa gsar pa la rab gnas dang tshe dbang sogs byas/ chos rje rgyang pa yang phebs byung / 'bel ba'i gtam sogs 'phrod pa'i gtam mang du glengs/ de nas 'dar chos 'khor yang rtse sogs su phyin/ skabs shig shing mangs su sgrub sde la zhen pa bzhi bral gyi 'khrid dgos zer byas/ de'i tshe sngar dbang dril nyer lnga'i phal cher grub kyang / 'phro cung zad yod pa dge slong byams chos pas grogs ldan byas rdzogs par grub/ de skabs nub cig rmi lam du dpal ldan a ti sha yin zer ba da lta'i sku 'dra la ji ltar bris pa'i rnam par can gyi paNDi ta phyag na bstan gtso'i sku legs po bsnams pa zhig dang mjal/ a ti sha thugs dam 'phel lam byas pas pha la pha la gsung / de nas phyag g.yog pa zhig gis a ti sha gsang chab dro yin 'dug zer bltas pas zhal nas 'o ma lta bu zhil skya rgyang rgyang 'ong gin 'dug /kho bos kyang lag pa bzed pas yol mo gang 'thungs pas ro mchog dang ldan par gyur/ rten 'brel bzang snyam dga' ba chen po byung / rang re rong tsho la 'gro ba'i tshe snga sor nas rje btsun sa paN gyi rnam thar thang kha/ thang kha lnga la thus pa zhig snying la 'dod bya che bar yod pa nye bar sprul sku yang sleb/ ras 'dul skya ris rnams kyang rang gis bkod pa byas shar la 'gro gong grub/ sprul sku de