[A:599]chang la sred pa che bar 'dug na'ang / ri mo ma grub bar chang bcad/ de bar gyi skol ja sogs kyang bzhag grang mo cher 'brir bcug pas ro tsho'i bar la phal cher grub cung mgyogs pa'i skyon yin nam zhu na 'ang / rang blo kha rdzogs po byung / 'phro rnams nor bu gling du grub par byas/ gong gsham sogs bzo'i bya ba legs par grub pa nas dgyes rdor cho ga bzang po drug pa'i sgo nas rab tu gnas pa bkra shis mnga' gsol dang bcas gnas mchog slob bshad nor bu gling du grub pa yin no/ /de'i tshe dkar me bzung nyin mtshan kha re thub pa byung / rje sa paN rnam thar ngo mtshar gtam/ /gzugs ri mor bkod pa tshon gyi bkra/ /mig bdud rtsir sim pa yid bde'i dpal/ /don ci bsam re ba rdzogs par shog /mi'i dbang po 'dar nas khu dbon gsum gyi gzims chung rab gsal steng 'og gsum yod pa'i 'og ma mi dbang lhun chen gyi gzims chung la brgya byin pho brang / bar ma mi dbang chos skyong lhun grub kyi gzims chung la shing rtsi legs par byas/ lam zab la thugs dam gtso bor mdzad pas logs bris la rang nyid gtso bor byas pa'i lam zab brgyud pa'i bla rim/ chos skyong nor lha sogs kyis bskor ba legs par bzhengs de la rab gnas la shog gsung / 'brug lo hor zla bcu gcig pa'i tshes bcu gcig gi nub sta gon btsugs/ tshes bcu gnyis la dngos gzhi/ tshes bcu gsum gyi nyi rtser smin drug rgyu ba'i dus rab gnas dngos gzhi'i me tog gtor/ dkyil 'khor rdul