[A:600]tshon la brten pa/ cho ga kye rdor bzang po drug pa nub gnyis nyin gsum pa'i cho ga kha lag tshang bar byas/ 'on kyang dkyil 'khor sbyin sreg dang ma 'brel bas rab tu gnas pa'i cho ga yongs su ma rdzogs pa'o/ /zhes gsungs pas rab tu gnas pa rgyas pa la dkyil 'khor rdul tshon dang sbyin sreg dgos par bshad/ mjug chog sbyin bdag bsgo ba'i tshe zhal ngo rnams rgyan sku chas bzabs pa dang bcas bsgo ba'i cho ga bkra shis rdzas brgyad mnga' gsol dang bcas pa legs par bgyis/ tshogs 'khor tshim drug cho ga ci bzabs kyi steng du chos rje 'jam dpal dga' ba'i bshes gnyen gyi bshad pa'i tshig bkra legs pa dang / tshig don phun sum tshogs pa byas de'i tshe me tog mang po phul 'dug pa la/ rgya lcam pa'i me tog cig sprul lo sa ka zla ba'i dus kyang ma bskams pa'i steng du rkang dang 'dab sngon po gsar du skyes pa'i sngo sol le ba de nas kyang rgyun ring du bsdad/ de ngo mtshar bar 'dug pas 'di la tshigs su bcad pa zhig rtsom dgos gsung kho bos kyang tshigs su bcad pa 'di rnams byas/ lhag bsam sa 'dzin yangs pa'i lte ba cher/ /dad dang 'dun pa'i chu lud mtshams sbyar ba/ /'dren pa'i byin rlabs char gyis smin pa'i mthus/ /dpag bsam ljon pa'i lo 'dab gsar du 'khrungs/ /rten 'brel zab mo'i gser skud thag pa yis/ /tshe rabs kun tu 'bral med dam du bcings/ /gar bzhugs chos dbyings dag pa'i zhing khams su/ /zab don chos kyi bdud rtsis