[A:423] bka' brgyud gong ma'i rnam thar la zhugs/ bka' brgyud kyi nyams len byas/ ri khrod 'grim pa'i rnal 'byor pa zhig byed bsam pa kho na yod kyang / rje tshar chen chos kyi rgyal po la gsung ngag thob phyin 'chad rtsod rtsom gsum/ mkhas btsun bzang gsum gyi sgo nas bstan pa la phan pa zhig byed na dpal ldan sa skya pa'i chos lugs 'di kho na lhag pa 'dug cing / khyad par nyams len cha tshang ba'i nyams len snying po chig dril byed nus na lam 'bras slob bshad 'di las lhag pa mi 'dug cing / gzhan rnams nyams len phyogs re ba tsam du 'dug pas gzhan la 'gram chu mi ldang zhing ltos mi dgos par ri khrod 'grim thub pa'i chos 'di nyid yin snyam pa'i nges pa gting tshugs pa skyes/ chos slob bshad snying la 'phos pa'i tshe/ /gzhan rtsab rtsob som nyi'i mdud pa grol/ /rje sa skya'i 'jam mgon brgyud pa las/ /skyabs gzhan na med do mched grogs rnams/ /de nas bla ma'i gsung gis gseng 'di la gzhi bsnyen yud kyi btang na legs/ zla ba drug gdan thog gcig tu sdod pa 'di gnas gang dgar long mi yong zhing byed mi thub/ khyed rang mtshan nyid pa rnams kyi gra skor thongs pa dang 'dra gsung pas bka' lung de ma 'ongs mkhyen pa'i mngon mkhyen du 'dug /de dus ma byas na bya gshongs bzhag nas gzhi bsnyen byed zer ba las mi yong ba yod/ de tsa na lam 'bras 'chad thub pa yang dka' ba 'dug /de nas kho bos kyang bla ma'i gsung bzhin de ga byed zhus/ grang mo che'i grang khang kun gyi yang rtse mthon po gcig tu mtshams bcad/ gzhan rogs gcig kyang med pa byas bla brang nas snga ja 'phyi ja re skyel ba gnang