[A:424]gzhan spros pa ci yang med/ tshod ma yang rang gis skol/ mtshams zla ba bdun tsam song ste/ yab yum gnyis char gyi bsnyen pa sbyin sreg dang bcas pa grub mtshams de la 'gal rkyen gyi tsher ma med cing mthun rkyen 'dzom pas blo bde sing nge ba mtshan dus rmi lam mi zin pa ci yang ma byung / rmi lam zin res kyi 'od gsal cung zad dang / dran pa rnam gsum tur gyis byung dran pa'i tshe yang 'jam dbyangs bla ma dang sa paN mi dran pa mi srid/ dag ma dag gi yul snang lta ba sna tshogs 'byung / lan cig rgya gar rdo rje gdan la 'gro snyam pa dang / nub phyogs la yud kyis 'phur rdo rje gdan yin snyam pa'i gtsug lag khang chen po zhig tu sleb/ rgya mthong gi thad na dril bu mang po zhig dril gdang byas btags 'dug pa na dbus na nas phung zhig 'dug pa de nas nas gtor bas dril bu rnams la phog ste sel khrom zer ba'i sgra chem chem chen po zhig byung / lha'i rnam pa gsal po ni mi dran yang lan cig rmi lam bzung nas byams mgon mjal ba la 'gro snyam tsa na nam mkha' la gyen du yud kyis 'phur song / dga' ldan du sleb snyam pas lha dang lha mo sogs mang po mthong / byams mgon dang mjal snyam ste phyag btsal smon lam btab pa'i nyams snang shar ro/ /gzhan yang rmi lam nyams kyi snang ba la/ dran pa rnam gsum 'byongs pa'i rnal 'byor pa/ /bar do'i grong khyer bcom zhes zhal lung yin/ /lus 'di mkha' spyod 'gro ba'i gtam 'di snyan/ /yang sa paN dang mjal du 'gro snyam pa yang yang yong gin 'dug pa la lan cig shar phyogs la 'phur nas phyin pas/ lung pa yangs po shing rtsi nags tshal thib se ba na dgon pa skya chag ge ba zhig mthong /