[A:429]la me 'bar nas/ gced mde'i me de me khang la yal song ba mngon sum du byung bas rten 'brel ngo mtshar che snyam pa byung / kha skong sbyin sreg byas tshe me lha yis/ /me lce rang 'bar bsreg rdzas bdud rtsi bzhes/ / 'gal rkyen sdig bsregs tshe dang bsod nams 'bar/ /'od gsal me lces ma rig mun bsal snyam/ /zhag drug bar la kha gso'i sbyin sreg grub/ mtshan dus rmi lam 'od gsal char sgo'i ngang / /grangs dus mtshan bsnyen rab 'bring tha ma gsum/ /gdan thog gcig tu tshang ba'i drin dran nas/ /phyag 'tshal thugs rjes gzigs shing blo gsal rje/ /mtshams la hab 'grol mi rung gsung pas zhag 'ga' ci bder gnas/ de nas rje bla ma dgyes bzhin du bla brang du shog gsung phyin pas de'i nyin ngor pa'i zur 'chad pa chos rje sangs rgyas seng ge 'byon rgyu yin zer gdan gshom grub 'dug /de la phyag 'bul e dgos zhus pas/ ngor la 'byon 'dod yod na byas pas rung / gzhan mi dgos gsung nas ma byas/ de nas 'jam mgon bla ma yang byi lo dgun chos thog tu chos sde'i dbu mdzad dang / ya ga chos sdings pa'i phyag 'bul bzhes grub nas nged kyi mtshams grol dang bstun 'dar du phebs/ rje bla ma yab sras mjal phrad gnang ba'i tshe rje bla ma rang las bzhugs gdan mtho ba bcas 'dug pa la/ 'jam dbyangs bla mas mi bzhugs gsungs kyang rje'i drung de skad ma gsung / khyed mtho ba de gang mtho ba yin no gsung / de nas chos rgyal nam mkha' tshe dbang rdo rje'i kho bo la chos gling slob dpon la shog gsung phyag rtags phebs/ 'gro 'dod med tshul zhus kyang bla ma yab sras kyis