[A:428]g.yas ru byang ba 'di chos rgyal yin pas de'i gsung bzhin byed dgos gsungs nas/ bla ma yab sras kyi bka' ma chogs par rang lo sum cu pa byi lo'i mjug glang lo'i 'go brtsams pa'i dgus chos steng du chos gling slob dpon byed dgos byung / de'i tshe chos rgyal nam mkha' tshe dbang rdo rjes re zhig chos gling slob dpon gyis shig /phugs ma dbu mdzad blo gros rnam rgyal 'di chos sde chen po'i rgyan yin pas 'di yang bzhugs brtan pa'i thabs su 'gro ba dang / khyed rang la yang bya rgod gshongs kyi mtshams nas ya ga chos sdings las 'chad nyan byed sa lhag pa med pas blo la zhog gsung pa phebs/ bdag gi de 'dra mi lcogs chos gling slob dpon lo gnyis gsum byas/ de rjes grol cha gnang dgos zhes zhus/ de nas glang lo de'i dpyid ka man chos gling gra tshang du slob gnyer pa yang shin tu mang ba blo gsal ba yod pas 'chad nyan shin tu 'phel bar byung / chos rgyal chen po yang shin tu thugs mnyes/ gser dpon lnga dar gyi bu 'di bstan pa la phan pa zhig yong ba 'dug gsungs zer/ chos rgyal nam mkha' rin chen gyis kyang deng sang dbus gtsang gi gzhung na/ gser dpon lnga dar gyi bu 'di las yon tan che ba med gsungs/ bo dong nas rgyugs kyang lo 'ga' yar gnang / de'i tshe byams mchu ba zer ba'i dpon skya 'di tshang gis kho bo btsun chung nas chos gling slob dpon/ ya ga chos sdings slob dpon gyi skabs thams cad du gus zhen che zhing mkho ba'i yo byad thams cad bsgrub pa zhig yod/ chos sde chen por yang rang re 'ur shog bdag po bzang po byed pa'i spobs pa chen po med pas grags pa chen po byung ba ni lkog /blo gzur gnas