[A:397]phar 'gro tshul 'gro'i gtam/ /chos ldan sbyin bdag dad sun mi 'byin phyir/ /mgyogs par bris la bla ma mkha' 'gros bzod/ /gang gzhan dad 'dun nyi zer gyis spros pas/ /bdag blo ku mud zum pa ma bzod nas/ /rang snang so 'phreng ze'u 'bru gtsigs 'di la/ /ma dad mun rum khrel yang ga zha'i gnas/ /zhes mchod brjod dam bca' sngon du btang nas rang gi lo rgyus ji ltar 'tshams pa sgro skur spangs nas cung zad brjod na/ byang phyogs gser gyi las byed mtho ba'i rigs/ /cho rigs rnam dpyod gtsang ba'i gzhon nu mched/ /zang zang 'brong zhes ri thang mdzes pa'i cha/ /rkang 'thung do ra 'khrigs der skyes so lo/ /de yang 'di skad thos te kho bo'i rigs ni/ byang phyogs chos rgyal rim par byon pa'i rigs ldan gang / /de dag gi gser 'don pa'i gser dpon zhes pa'i las byed khrom rigs mang po'i dpon du skos pa'i gser dpon gyi thog ma gser dpon lha mo skyabs/ de'i sras gser dpon lha mo mgon/ de'i sras gser dpon lha mo don grub/ de'i sras pho lnga/ mo lnga ste bcu'i skyes