[A:398]phran dpa' bo'i chas su zhugs pa'i gser dpon lha mo 'phan chen/ lha mo 'phan chung / gser dpon lha mo lnga dar te gser dpon spun gsum zhes byang phyi 'brog na grags pa thob pa gsum du grags/ yang slob dpon chos skyong bsam 'grub dang / nyams rtogs ldan pa bzang po bkra shis zhes bya ba/ gos ser po'i rtags can bka' brgyud bstan pa'i sgor zhugs pa/ rtogs ldan gyi rgyal po gtsang dbus gnyis sogs kyi zhabs zung bsten pas nyams rtogs 'gran zla ma mchis pa'i rnal 'byor pa chen po gnyis te/ sras pho lnga'i tha chung gser dpon lha mo lnga dar la/ snga bu lnga dang / phyi bu gcig ste drug byung ba'i snga bu che ba de gzhon nu nas gshegs/ de yang ma des byang thang gi rang byung chu tshan zhig la byon pas/ chu tshan gyi logs shig na lha bshos gtsang ma lnga rog ge 'dug pas gcig g.yog mo zhig la byin/ bzhi rang gis gsol bas de lta bu'i rten 'brel gyi yin zhes gtam du grags/ snga bu 'tsho zhing gzhes pa bzhi'i che ba gser dpon lha mo gnyer ma/ de nas bi ri tshe dbang lhun grub/ de nas gser dpon lha phrug /de nas chung ba klu rgyal nor bu zhes bod pa ni bdag go /phyi bu ma mi gcig pa khri tshang dkar rgyal/ de yang pha ni lha mo lnga dar/ ma sems ma rgyal 'dzom/ ma ma ayon bzang mo zhes bya/ skye ba'i gnas ni/ zang zang chu byang brgyud kyi lung pa 'brong zhes bya ba/ nyin ri thams cad spa shugs la sogs pa 'khri shing sngo ljang grib ma snum zhing brjid pa/ srib ri thamasacad spang rtsi sngo ljang gos su gyon pa/ gzhung thams cad chu klung dal gyis 'bab pa'i 'gram na ne gsing sngo ljang gi ral pa bun long nge bar khyab pa/ de'i nang tshan gyi lung pa kha nub phyogs bde ba can la phyogs pa shel ltar dwangs bas 'od zer sna tshogs 'phro ba shel lung zhes bya ba'i gnas su chu mo lug lo la kho bo skyes so zer/ de yang rang nyid ma'i mngal