[A:441] res 'ga' mig gi steng tsam na nyi ma shar ba lta bu'i 'od lhag ge ba'i nyams 'char ba byung ste/ lam 'bras rdo rje tshig rkang las sgra sna tshogs dang dri ro zhes sogs kyi don yin par snang / rlung gi nyams de lta bu sna tshogs ni rlung 'dzin nus na de'i bar du rgyun ma chad par yong ba zhig 'dug /rlung dang rmi lam zin pa'i nyams snang la/ /ngor mtshar ltad mo sna tshogs mthong dang thos/ /rdo rje lus kyi rten 'brel ya mtshan snyam/ /yid la rab dga' skyes pa bla ma'i drin/ /yang dgon pa lu phu de na sa paN gyi sdom rgyun bzhugs pa'i bla ma rim par byung ba la/ skabs shig bla ma gcig la sa paN gyi sdom rgyun de mi zhugs pas/ chos rgyal nam mkha' tshe dbang rdo rjes khyed kyi sdom rgyun de sa paN gyi sdom rgyun yin pas de chad na phongs/ sdom rgyun bzhugs pa'i sgrub chen mkhyen pa yangs pa zhig la sdom rgyun de long zhig ces bstan pa la gces spras su che ba'i bka' stsal phebs/ de ltar byas pas dgon pa de na sa paN gyi sdom rgyun rgyun ma chad par yod pa de thos nas/ bdag gis 'jam mgon bla ma la bdag sa paN gyi sdom rgyun cig zhu 'dod pas ji ltar legs zhus pas/ sa skya'i gra dgon gzhan gang na yang de 'dra yod par mi 'dug /lu phu na yod pa'i nges pa brtan po yod na rang re dpon slob gnyis char de ltar byas pas chog gsung / bka'i gnang ba thob nas lu phu'i mkhan po sangs rgyas 'od zer la/ mkhan slob dge slong 'dra dang / ya ga chos sdings kyi dge slong gtsang ma 'dra bsags blon po chu tshan khar dkar gur yangs po'i nang du dpon slob gnyis kyis bsnyen rdzogs mdzad/ sngar