[A:442]gyi sdom ro rnying pa la 'bul chog ma byas na sdom pa blangs kyang mi chags pa 'dul ba'i lugs yin te/ mdo rtsa ba las blangs pa la slar blang ba med pa'i phyir ro/ /zhes gsungs pas shes/ des na kho bos dge slong gi bslab pa phul/ dge tshul dge bsnyen gyi bslab pa gnyis ni kun mkhyen lcags thang pa las thob pa yin pas ma phul/ de'i tshe slob dpon dang gsang ston gyi 'os su gyur pa gzhan ma rnyed pas/ mkhan chen sangs rgyas 'od zer bas mkhan po dang las slob gnyis char mdzad/ gzhan dge slong gtsang ma gsum dang bcas te dge slong bzhi'i dbus su bsnyen par rdzogs so/ /mkhan slob gcig gis byed pa ni bu rin po ches/ mkhan slob gcig gis byed pa 'di bod kyi 'dul ba 'dzin pa rnams la ni snang / gzhung nas bshad pa ni ma mthong gsungs te thugs mad/ dam chos 'dul ba'i lugs la bshad tshod yod kyang lag len med pa dang / lag len yod kyang bshad tshod med pa'i dmigs bsal mang po yod pa de'i dmigs rnam phyed dgos so/ /yang 'dul 'dzin kha cig dge slong bzhi las bsnyen par rdzogs su mi rung gsung ste/ 'dul ba tshig le las/ gal te bzhi ni las brjod mkhas/ /tshul khrims ldan par gyur na ni/ /bsnyen rdzogs ma smad gyur pa ste/ /lha yis kyang ni phyag byar 'os/ /zhes bshad pa 'di ma gzigs par zad/ kha cig dge slong bzhi'i steng du las brjod mkhan bsnan pa'i lnga tshang pa la dgongs zer ba'i 'bru skyog gnang mkhan yod de/ gal te bzhi dang las brjod mkhas zer pa yod na de skad rigs na'ang / gal te bzhi ni las brjod mkhas/