[A:463]po ma skyes dgra'i gdung skal yin zer ba'i sangs rgyas kyi 'phel gdung/ tsandan dkar po'i dri gtsang khang gi dbus na shel bum gyi nang na bzhugs pa de dang / 'phags pa'i dngul sku rgya nag ma dang / zi khyim las grub pa'i dril bu rtse lnga ma chung ba dang / theg chen ma che ba gnyis skad shin tu bzang ba dang / rgya zhwa rigs lnga ma dang / gzhan yang tsandan sogs kyi lde gu las grub pa'i 'phags pa'i phyag 'phreng / dgang gzar/ dgang blugs gser tshags dngul tshags ma/ spos rgya'i bar gser tshags dngul tshags ma sogs ngo mtshar ba shin tu mang ba dang mjal/ shar rgyal mkhar rtse yi pho brang du/ /rigs chos rgyal sde srid mched dang mjal/ /sku yar gcod sgal tshigs bzang na yang / /thugs bag phebs gsung gi bka' mchid 'jam/ /rten li ma lnga yi zhal sgo nas/ /gsung lhang lhang smra bar ma nus te/ /sku mdzes pa'i rnam 'gyur mnyen lcug ldem/ /gsung smra 'dod zhal mchu 'dzum me bzhugs/ /zhes pa rnam phra'i rgyan te/ rten ngo mtshar can rnams kyis gsung byon pa min yang sku mdzes pa'i rnam 'gyur bzo khyad ngo mtshar bas dngos mjal lta bu'i gsung chos thob pa dang 'dra ba'i dga' ba khyad par can skyes shes pa'o/ /sde pa sku mched gnyis car gyis gnang skyes gya nom pa dang / khyad par sde pa rnam par rgyal bas zur du sgos mjal gnang / bya gshongs pa la khyad par du bdag rkyen gnang ba zhig 'dug pas sgos kyi gnang skyes sogs shin tu dgyes pa mdzad/ gzims shag tu dpon sa brag kha ma dang mjal thugs shin tu grol ba'i gsung 'phros dang / 'bul skyes sogs legs tshogs shin tu