[A:462]mthus/ /la brgal tsam la sa skos 'bro bzang der/ /phyugs rta rnams skyid nas gcer nyal byed/ /nged mi rnams ra bar me lha mchod/ /yul kha ba bu yug mun ltar 'tshub/ /khyed 'brog rigs rnams la 'di rang skyid/ /thugs dgyes sam zer zhing grogs po rnams/ /nyams bzhad gad thag ge mtshan ring bsdad/ /nam langs tsa na kha ba yang chad nged rnams kyi lhan skyes kyi mdun tshul chen zer ba der tsha ran la sleb/ tshul chen de na sngon dpal ldan sa skya pa'i yin zer ba'i lha khang zhig na rigs lnga bzhengs sku mi tshad tsam pa rgyas sku shin tu legs pa rnams mjal/ de nyin dpal 'khor chos sder sleb/ bar tsho shag zer ba'i sngon drung chen rin rgyam pa'i gzims khang spro mo zhig tu bsdad/ de na thub bu chos mdzad zer ba'i phyug po ban gzugs can snang ba bde mo byas pa zhig 'dug pa des bya gshongs pa'i phyogs zhen gyis sna len shin tu bzabs pa byas/ de nas rgyal mkhar rtser sde pa sku mched dang mjal yar tshugs bzang ba bsgrigs bkod ma nyams pa nyi ma'i grib tshod 'phyugs med kyi bkod pa ngo mtshar ba 'dug /sde srid che ba des rje dam pa la gsung ngag thob pa yin 'dug pas lam dus 'chag med mdzad zer/ kho bo la shib bu'i tshul gyis deng sang phyogs 'di la lam 'bras yongs rdzogs thob zer/ 'o na sgrub pa lung sbyin thob bam byas pas de 'dra rna bas ma thos zer/ 'di 'dra dag ci yin pa 'dug gi gsung / bdag gis slob ma nyams chung rnams la bla mas 'khrid rkyang shar re ba re gnang des lam 'bras rdzogs so gsungs pa de la 'khrul pa yin mchis zhus/ de nas li ma lha khang gi rten mchod ngo mtshar ba rnams dang / khyad par rgyal