[A:487]nas drangs pa yin/ da lan yang bo dong e nas drangs pa'i chos khri'i lho'i g.yas phyogs nas lam 'bras ring brgyud bde gshegs so lnga/ phyogs bcu'i sangs rgyas sogs kyi rdo lha/ g.yon phyogs cung ma khengs par 'dar rnam rgyal stag rtser lugs gnyis kyi rnam dpyod zab cing lhag bsam rnam dag dang ldan pa'i sa skyong mi dbang rin chen dpal bzang la zhus pas dgyes pa chen pos gnang / thub dbang gnas bcu'i rdo lha g.yon phyogs la legs par bkod/ de dag la lha g.yabs dang gung der me tog ra ba'i skyed tshal mthar ljon shing gi ra ba rim pas bskor ba dang bcas pa legs par grub/ mchod sbyin brgya pa'i 'chi med dga' ba'i tshal/ /sa la 'phos pa mnyan yod skyed mos tshal/ /lung rigs rtsed mo rtse la ngo mtshar gnas/ /mkha' nas lha rnams gnas 'dir byon par nges/ /de'i ston gsol bur shog gsung phyin tshe bka' brgya tshar sgrol dkar sogs rjes gnang mang po dang / dgyes mdzad dbang / de steng tshogs 'khor bzabs ma re mdzad pa phyag len 'dug pas de bzhin gnang / gsol gral g.yabs chen dang / dgongs ja gsol ja khang du mdzad/ de steng du rab 'byams pa rnams bshad pa dang rigs lung dang dogs gcod sogs byed du 'jug 'bel ba'i gtam gyis dus 'da'/ mchog mi dbang nam mkha'i mtshan can mched/ /dad 'dun pa rnam dpyod lhan cig 'dzom/ /chos 'bel gtam dang rkang 'thung btung ba dang / /sems gcig 'dres kyi mchod yon nyams re dga'/ /de nas dge 'dun slob gnyer ba dngos gtsang 'di la chos 'chad pa'i chos grwa dngos gtsang yid la bsam pa bzhin 'grub/ da 'du khang