[A:488]dga' mo zhig bzheng thub na ci ma rung snyam pa'i bsam pa rgyun chags su yod pa nas snga gong nas 'jam mgon bla ma la bslab ston zhus pas/ khyed rang gi 'chad nyan la slob gnyer ba rnams blo kha rdzogs pa rang yod 'dug pas 'chad nyan khag che de gas chog gsung gnang ba ma byung / phyis khyed rang la blo 'dod chen po 'dug pas 'chad nyan ma chag pa'i gseng la gang yong gyis/ ngas kyang 'jam thal gyi mthud 'dra e yong lta gsung gnang ba thob/ chos rje bstan pa dar rgyas pa nged rang la dad 'dun che ba dang / mkhar las la nyams myong che ba 'dug pas rogs la 'byon par byas/ grwa pa rnams la bskor bas 'di kham ches pas smra mi nus zer ba dang / kha cig bla ma gong ma'i rab gnas can yin zer ba dang / phal cher 'chos khyod na de las dga' ba mi 'dug ste khyed rang gis chod zer ro/ /de nas stag lo 'jam dbyangs sangs rgyas rgyal mtshan ngam ring dbyar chos kyi gnam gang la mkhan por mnga' gsol 'dug kyang bya gshongs su ma thos par zhal dkar la 'gro ma thub/ dgun chos steng du 'gro rtsis byas na'ang ston cag sgang la dag pa'i zhing du gshegs zer gtam byung / grwa pa slob gnyer ba sogs kyis mchod 'bul zla gcig bar du mang ja rgyun ma chad par btang / mang ja'i steng du'ang bla ma dgyes pa'i mchod pa yin pas dkar me lha bshos sogs mchod pa'i sprin phung bsam gyis mi khyab pa dang / khyad par gsung rab la dogs pa dpyod pa'i rigs lung rgyun ring ba 'ur chil le ba byas/ mtshan ldan bla ma dgyes pa'i mchod sprin 'khyil/ /phyi yi mchod pa rkang 'thung btung ba'i chus/ /nang gi mchod pa rnam dpyod me 'bar bsam/ /lta ba ngan pa'i bud shing ngo tsha nas/ /lung rigs