[A:100]po che dkon mchog dpal ldan pa la legs tshogs zhu ba gnang bas/ gang zhus la gsan te/ rjes su e waM chos ldan du dbyen med pa legs tshogs shin tu che ba'i sangs rgyas kyi bstan pa la phan pa byung / de yang mngon mkhyen gyis dgongs pa yin 'dug lags/ dgun lo zhig bde ba can du skyed tshal nas rin po che mkhan chen rin chen bkra shis pa la sogs pa'i mkhas btsun gyi bla chen thog cig dang / dge ba'i bshes gnyen mang po dang / dgon phan tshun gyi drung chen sogs mang po la/ lam 'bras/ 'jigs byed/ mgon po gur zhal gyi 'khrid/ gshed dmar spros med/ dmar po skor gsum la sogs pa gang la gang 'tsham gyi bka' chos bsam gyis mi khyab pa dang / mdor na snga sor rang gi zhal bdag gnang ba'i dgon pa so so dang / sbyin bdag rnams la skyo ngal spangs pa'i bstan pa dang sems can gyi don la dgongs pa'i gang la gang 'tsham gyi bka' chos dpag tu med pa gnang / yongs rdzogs bstan pa'i bdag por legs gyur nas/ /legs sbyangs mkhas pa'i bya ba rnam gsum gyis/ /legs bshad bstan pa'i byi dor nyin mtshan du/ /legs par g.yel ba med la phyag 'tshal lo/ /de ltar 'chad pa'i sgo nas rjes su bzung zhing bka' drin thob pa'i zhal slob kyang bsam gyis mi khyab pa yod pa rnams ni bgrang bar ma nus/ rags pa tsam brjod na/ phan tshun bka' drin rjes su nos pa'i dam pa bdun ni/ 'phags pa spyan ras gzigs de nyid slar yang gangs can gyi gdul bya'i don du 'brom ston rgyal ba'i 'byung gnas dus 'dir mchog gi sprul pa'i sku bsod nams rgya