[A:101]mtsho/ mkhyen pa'i blo gros nam mkha'i khyon ltar yangs shing mkhas btsun dam pa rin po che lha btsun pa/ lhag par rje tshar chen nyid kyi gsung ngag gi bdud rtsi sogs snyan brgyud kyi gter 'chang ba'i tshogs mkhan chen gzhon nu blo gros/ rgyud sde 'dzin pa rnams kyi gtsug gi nor bu bo dong mkhan rin po che bslab gsum pa/ sprul pa'i sku bya yul ba chen po'i chos kyi khri la zhabs sen bkod pa mkhas btsun dam pa bkra shis rin chen pa/ zab mo'i lam gyi bdud rtsis myos pas rig pa brtul zhugs kyi spyod pas/ gzhan snang zil gyis gnon pa byams pa bstan pa rab rgyas/ ngag dbang chos grags rgya mtsho'i shangs chos kyi bka' babs 'dzin pa rnam rgyal dbang po rnams so/ /yongs su grags pa'i mkhas pa chen po bzhi ni/ rig gnas chen po lnga la mkhas pa'i pha rol tu phyin pa/ 'bras yul skyed mos tshal gyi gdan sa pa rin po che rin chen bkra shis pa/ de'i gdan sa pa mkhas mang kun gyi yid 'phrog mdo sngags bstan pa'i mnga' bdag 'bum rab 'byams pa thar pa rgyal mtshan/ bde bar gshegs pa'i gzhung lugs rab 'byams kyis mgrin par brgyan pas 'jig rten kun gyi mig tu gyur pa/ gsang phu gling stod chos rje bstan pa rab rgyas/ mdo sngags rgya mtsho'i pha rol son cing smra ba pa/ gzhan gyis 'gran par mi nus pa'i mkhas pa zhal snga nas sgom sde rab 'byams pa'o/ /sde snod rgya mtsho'i don smra zhing bdag pas gzhan gces sgom pa gzims 'og gdan sa pa dpal ldan chos 'byor ba/ sde snod gsum la mkhyen pa rgyas shing / snyan brgyud rgya mtshos thugs rgyud