[A:105]zhing mchog bde ba can/ /mkhas grub khyung po rnal 'byor zhing der bzhugs/ /bdag gi grogs po'ang gnas der re zhig sdod/ /de 'dra'i zhing du bdag dang 'phrad par mthong / /deng sang dus ni rnga mo rde'u dang / /bral ba bzhin du shes pa yang yang 'gyur/ /'on kyang rje btsun tshar pa chos rje yi/ /bka' drin dag las 'khor 'das chos rnams kun/ /sgyu ma rmi lam 'khyer so shes pa yod/ /de yi ngo bo 'khor 'das dbyer med du/ /rang ngo shes pa'i brjod bral ngang du 'jog /spros bcas chos rnams ji ltar dgyes dgyes mdzod/ /dkon mchog bden pa'i bkra shis deng 'dir shog /yang rje rang gi yum gshegs dus a ma drung pa nga'i gong la gshegs pa legs/ jo bo drung pa nga'i gong la gshegs pa legs gsung / der ma zad sbyin bdag dad pa che ba sdig pa che ba zhig 'dug na yang khong nga'i sngon la song na ngal byed rgyu zhig yod de gsung / yang a ta ba dang nga la ltos pa rnams kyang rje btsun tshar pa chen pos rjes su 'dzin pa yod gsung / phag lo ston dga' ldan khang gsar du phebs dus/ skyid shod zhabs drung zhal ngo so so'i thugs bzhed dang mthun pa'i bka' chos bsam gyis mi khyab pa gnang / mi dbang chen po 'di pas 'bul ba zhabs tog dpag tu med pa mdzad/ skabs 'ga' re phyag g.yog rnams la a pho ni da lo chos rje tshar pa'i drung du rgyab 'gro gsung / bsnyel gzhi gtan med pas phyag g.yogs bcar ba rnams la dogs pa tsam ma byung / de nas shun du zhabs drung bdag mos gdan 'dren zhus/ bka' dbang rjes gnang mang po gnang / bsnyel gzhi las grol bar mdzad/ rje 'di pa'i thugs dam gyi ltas dang