[A:104]no/ /de dag la 'di skad ces bya ste/ lung rtogs yon tan chu gter yongs su gang / /mkhas dang grub pa'i chu klung 'bum phrag spros/ /bstan dang 'gro ba'i phan bde'i lo tog ni/ /phyogs bcur rgyas pa'i dga' ston 'di skad do/ /zhes pa'o/ /drug pa rtag 'dzin zlog nas 'phrad dka' ba'i 'du shes skyed pa'i slad du sku mya ngan las 'da' ba'i tshul bstan pa la/ de ltar bstan pa dang sems can gyi don lhur mdzad bzhin pa'i ngang du bzhugs pa las/ khyi lo rje'i nye gnas sku gzhon nu'i dus nas 'bral med du gnas pa/ rang 'dod skyo ngal spangs te 'jig rten gyi zhen/ chos kyi gus pa/ phyag rdzas kyi rje 'di nyid rang la gus pa'i grwa sbyin bdag skyong ba/ rang 'dod la g.yu chung ngu zhig bdag la gnang dgos zhus de tsam las med pa de/ bsnyel te sman dpyad rim gro byed dus rje nyid gsung nas byas gzhan 'dra ba 'dug /mdang nga'i rmi lam la dpon po phyogs shig la 'gro yi 'dug pa/ ngas bzung bas cung zad las 'gor ma byung gsung / khong la lam zab dang / rnal 'byor ma'i 'chag med las med kyang / rang 'dod gzhan med par khong gshegs khar nga'i ga'u'i nang na g.yu gnang dgos rang zhus pa de yod/ de ngas 'ju ba med phyag tu phul cig yang yang zer/ rang sems dag pa dang rje'i thugs kyi dkyil na bzhugs par brten/ dbu bla ma rin po che'i sku pang du bzhag /phung po dri bzang chil le/ 'ja' tshub bun ne/ blo brtan pa'i mis mthong bas de'i phyi lo yang dus tshes de la phung po bskyal sar 'ja' zug zer/ de la rje nyid kyang thugs skyo ba'i rnam pas 'di skad do/ /kye ma yun ring 'grogs pa'i grogs pha rol song / /nam zhig dag pa'i