[A:108]dam/ gangs can mgon po bsod nams rgya mtsho phebs thub na dgongs te sprul pa'i sku rang la myur du phebs dgos tshul dang / al tan rgyal po la 'di bzhin gnang ba/ oM swa sti siddhaM/ dal 'byor lhun po bsod nams gangs ris bskor/ /khrims kyi chu rgyun phan bde'i lo tog spel/ /lhag bsam rgya mtsho rnam dpyod klu dbang gis/ /brten pa'i 'khor los sgyur rgyal khyod nyid ni/ /sngon gyi dge tshogs rgya chen po las bsgrun pas yon tan bdun dang ldan pa'i sku brnyes te yangs pa'i khyon ma lus pa chos bzhin skyong ba'i sa'i brgya byin chen po gang de la/ chos smra ba'i btsun pa mai tri don grub rgyal mtshan dpal bzang pos zhu ba/ stobs kyi 'khor los sgyur ba'i rgyal po khyod nyid/ sku khams bzang zhing nang du thugs dam gyi nyams bzhes zab mo'i rnal 'byor las ma g.yos bzhin du/ gzhan ngor khrims gnyis kyi sgo nas yangs pa'i rgyal khams chos bzhin du skyong bar bzhugs pa'i skabs nas/ gangs can 'gro ba'i mgon po drug pa rdo rje 'chang chen po 'gran zla thams cad dang bral ba'i skyes bu dam pa bsod nams rgya mtsho zhes srid pa gsum na grags shing / lha mi thams cad kyi skyabs dam pa de nyid kyi zhabs rdul spyi bos reg cing / zhal gyi dkyil 'khor legs par gzigs pa'i yon mchod zhal mjal bkra shis pa'i dge mtshan du ma dang bcas pa'i skabs nas/ yang dag par rdzogs pa'i sangs rgyas mngon sum du bzhugs pa'i gtsug lag khang chen por/ mchod pa'i lha rdzas ches khyad par du 'phags pa 'bul bar/ a seng dpon slob gnang ba dga' spro ci yang thob cing