[A:109]lhag par bka' drin bskyangs / slad du'ang sku'i zhabs brtan pa'i dge tshogs sku rim la brtson pa dang / bka' 'bangs mtha' dag chos bzhin skyong ba'i sngon gyi lugs srol bzang po dang / khyad par rje thams cad mkhyen pa sprul pa'i sku rdo rje 'chang chen po de'i thugs 'dod khengs phyin 'di phyogs su myur du phebs chog pa mdzad dgos/ de ltar ma mdzad na dbus gtsang gi chos sde che chung gi mkhan slob dge 'dun thams cad thugs yid chad cing thugs 'khrugs na sku'i bsod nams la gnod cing nyes pa chen por 'gyur bas/ rang gzhan kun la dgongs pa'i thugs khur yang dag bzhes pa zhu zhes pa'ang gnang / yang mkhan rin po che rin chen bkra shis pa la nga yang yun ring mi sdod pa dang / rin po che bkra shis pa yang zhing gzhan du myur po 'byon pa 'dug pa dang / 'du grong nang so dpon rnam pa yang mgyogs po mi bzhugs pa 'dug gsung ste/ rjes su rin po che zhing brjes pa'i rjes su zla gcig tshun tsam la khong yon mchod yang gshegs/ yang 'di skad do/ /zhing 'dir ma lus gdul bya'i don grub nas/ /gzugs sku'i dkyil 'khor chos dbyings ngang du bsdus/ /rmad byung mchog gi ngo mtshar bgrang yas sprul/ /'phrin las rgyun mi 'chad la phyag 'tshal lo/ /de nas bsod nams dpal gyis mngon par mtho zhing / lugs gnyis kyi mdzad pas jo shAka la sogs pa'i rten khyad par can dang / bshad sgrub kyi dge 'dun rnams la zhabs tog phun sum tshogs pa sgrub pa'i dpon sa stag lung nas kyis yer par phebs dgos gsung / de'i snga gong phebs dgos rgyu yin kyang ma thub pa nas phebs pa'i zhal