[A:111]rin po che de tsam bsnyel ba ni med sku rim yang phran bu ma gtogs cher mi gnang 'dug /nam mkha' 'di ma legs zer zhing the tshom dang / yang na 'di lta bu mi bzhugs pa'i rtags a yin zer/ thugs nyams che ba'i rigs rnams mi bzhugs par thag bcad/ bdag 'o yug na/ rje de nyid kyi dbon po shAkya dpal 'byor pa'i sku gzhogs na yod pa la/ chos rje dbon po ba dpon slob kyis mi myur du btang ste/ bdag gi rtsar mis sleb/ bdag ni re zhig dran pa nyams nas thal/ zin rjes bsam pa'i 'char sgo sna tshogs la/ /kye hud sdug bsngal 'khor ba'i mtsho dkyil nas/ /ded dpon dam pa lan cig rnyed pa de/ /bdag lo bcu drug lon pa nas bzung ste/ /bzhi bcu zhe bzhi'i bar du bdag cag ni/ /sku drung sdod pa'i bsod nams byung gyur kyang / /yud tsam zhig gi rgyun gyi nyams snang la/ /rmi lam sgyu ma bzhin du yal zhes thos/ /da ni mgon med bdag rnams ji ltar byed/ /pha rgod bla ma mchog de 'bral med dran/ /dus shig zhal gyi dkyil 'khor 'dzum pa las/ /khyod ni snying gi bu gcig yin no gsung / /snyan brgyud gdams pas rjes su skyong ngo gsung / /lo bdun bar du 'bral med byed dgos gsung / /der rjes gang byas rten 'brel 'grig yong gsung / /bsam zhing rje btsun dran no bka' drin can/ /sgom zhing bla ma dran no thugs rje can/ /mgon khyod zhing 'di'i gdul bya rdzogs pa nas/ /dngos su mjal ba'i bsod nams da ni med/ /mya ngan ngang du 'dre ldog ngu ba las/ /thabs gzhan med pa'i gnas skabs 'di 'dra mthong / /sngon dus thub dbang shar bu ji bzhin du//