[A:113]drung du rgyu mtshan bslab ston zhus pas/ gsung las/ khyod lta bu zhig med na nged rang tsho dbon po yod pa'i dgos pa yin pas 'gro ba'i babs thob yin kyang / khyed kyis ma gir go chod pa gyis shog gsung / nged tshos 'di tshor gang drag byed gsung / der rjes bdag rnams kyis sems sdug la/ lus mgyogs par lor sleb/ sa cha gzims khang sogs bkrag nyams pa'i skyo ba la tshad med pa byung yang / gzhal du med pa'i sku gdung rin po che de nyid sman dang dri bzang la sogs pas byugs/ gos dar ras yug la sogs pas gril/ gzhal du med pa'i 'jig rten gyi mchod sdong chen por gyur pa'i sku gdung rin po che de nyid gdung sgrom gyi mchod rten du spyan drangs nas/ dbu rgyan dang dar zab la sogs pas g.yogs nas gdung gi khrir spyan drangs/ mdo sde phal po che'i gleng gzhi las byung ba bzhin du/ mchod pa'i sprin phung bsam gyis mi khyab pas mchod pa'i dbus su bzhugs su gsol nas/ rin po che bya yul gdan sa ba dpon slob kyis kye rdor/ gzims 'og nas dpon slob kyis kun rig mdzad de/ rgyud sde rin po che nas bshad pa'i bla ma'i rnal 'byor dang rjes su 'brel ba'i gsol ba yun ring du btab pa'i tshe'ang / thams cad byings rgod dang bral zhing khams dngas pa dge sbyor gyi 'char sgo stobs che ba dang / grwa rigs sbyin bdag rnams kyis dkar me snyan dar der bzhugs pa'i gsol 'debs pa rnams la yang zhabs tog bsam gyis mi khyab pa byung / de nas sku gdung rin po che zhugs la phul ba'i tshe/ snga gong bla ma rin po ches zhugs 'bul bzhin gcig gnyis gnang ba'i phyag g.yog zhu myong