[A:11]rabs lnga nas 'phags pa spyan ras gzigs kyi sprul pa rgyal po srong btsan sgam po byon/ bal bza' dang / rgya bza' la sogs pa bas/ jo bo mi bskyod rdo rje dang / shAkya mu ne la sogs pa rten khyad par can spyan drangs/ dam pa'i chos kyi srol btod/ de nas gdung rabs lnga nas 'jam dpal gyi sprul pa rgyal po khri srong lde btsan byon/ de'i rjes su rgyal po glang ma jing yon du grags pa byung / de'i rjes glang dar ma byung / de la 'od srungs dang yum bstan gnyis su gyes pa'i/ 'od srungs ni/ sku shin tu gces pas nyin mo mis bskor/ mtshan mo mar me'i 'od kyis srungs pas na 'od srungs zhes zer/ 'od srungs kyi sras la/ lde dpal 'khor btsan/ de'i chen ma'i sras skyid lde nyi ma mgon yin pas de las mnga' ris kyi rgyal po byung / chun ma'i sras bkra shis brtsegs pa'i dpal/ 'di gnyis kyi rgyal srid gang yod rnams yum brtan gyis phrogs pas mnga' ris la bros nas mnga' ris kyi rgyal po mdzad pa yin/ bkra shis brtsegs pa dpal la sras gsum byung ba/ dpal lde/ 'od lde/ skyid lde gsum yin te/ 'di gsum la smad du bzhugs pa'i lde gsum zer/ dpal lde sras mang du yod pa las lha rtse ba/ de nas rim bzhin brgyud de gdung rus gcig gis gcen gyi phyag phyir 'brangs pa la/ g.yu sa g.yang mar grags pa seng ge'i mgo can gyis gtso byas dngos po khyad par can rngan par gnang nas/ khyod rang nyang bar gyi yul 'di skyong gsung/ nyang bar du bzhugs nas mkhar brtsegs te de nyid bzung bas/ bod rgyal pos btab pa'i mkhar yin pas/ bod mkhar