[A:12]ba zhes su grags/ de nas rim bzhin brgyud de rong g.yag sder phebs/ gdung ma 'khrul ba dpal 'byor bzang po la sras gnyis/ shAkya mgon po/ bshes gnyen bzang po/ rje nyid kyi yab phyi ma nyid ni grub thob kyi bla ma mang pos phyag bzhi pa'i sprul par lung bstan cing / skabs shig dbus gtsang gnyis g.yul thug dus yab nyid dbus pa'i dpung gi dkyil du 'thums pas/ gtsang pa rnams kyis yab shor ba gzhir bcas byas/ dbus pa rnams kyis dmag gi dkyil la ral gri me 'bar ba zhig rgyug pa ma gtogs ma mthong / g.yul gyes nas mi rta gang la'ang skyon cung zad ma byung sogs kyi lo rgyus gzhan yang shin tu mang ba yod/ yum bu 'dren rgyal mo ni/ ngo tsha shes shing khrel yod pa/ gtong ba la dga' zhing dad pa che ba sogs yon tan dpag tu med pa dang ldan pa/ de nyid la sras lcam sring brgyad lhag tsam 'khrungs pa la/ dang po tshe dbang rab brtan/ gnyis pa nor bu tshe brtan/ gsum pa dpon sa shAkya dpal grub/ bzhi pa rdo rje tshe brtan/ lnga pa sgrol ma dpal 'dzom/ drug pa a mgon don grub/ bdun pa legs mdzes sgrol ma ni/ snyigs dus kyi 'gro ba 'dren par sprul pa'i skur bstan pa'i rgyal tshab rin po che'i yum/ brgyad pa dpal rab brtan rjes ma dpal 'dren/ dpal rab brtan ni dgung lo bco lnga la gshegs/ slar de nyid du jo bo drung pa rnams kyi sras por sku 'khrungs/ rin po che shAkya blo ldan pas/ mtshan shAkya dpal 'byor du btags/ sku skye ba mang po dran/ slob dpon padmas sog zlog par lung bstan/ sngon gyi bsod nams kyi mthu las phyag