[A:120]bkod pa de dag kyang mar me gcig la gnyis mched kyi tshul du ji srid 'khor ba gnas pa de srid du rje btsun bla ma dam pa 'di'i 'phrin las kyi rgyun bzang zhing rlabs che ba lhun grub gong 'phel du 'gyur ba ste/ ji ltar mar me gcig las mar me'i tshogs rab mang / /dpag med grangs med byung yang de la zad pa med/ /de bzhin smin pa gcig la smin pa'-i tshogs rab mang / /dpag med grangs med byung yang zad pa med/ /ces gsungs pa ltar rje btsun bla ma dam pa 'di'i 'phrin las kyi bstan pa rtag tu lhun gyis grub cing 'phel ba yin no/ /de ltar na rje btsun sa skya pa yab sras kyi bzhed pa la/ 'o skol gyi ston pa mnyam med thub pa'i dbang po de me mo yos la lhums su zhugs/ sa pho 'brug la sku bltams/ brgyad cu rtsa gcig pa sa pho byi ba'i lo 'go rtsom pa na mya ngan las 'das shing / de nyid kyi bstan pa lo lnga stong gnas pa'i dbang du byas na/ lha mo dri ma med pa'i 'od lung bstan pa'i mdo las gsungs pa ltar na/ ston pa mya ngan las 'das nas lo nyis stong lnga brgya song ba na/ bod kyi rgyal rabs nyer bdun pa lha tho tho ri snyan shal gyi ring la dam pa chos kyi dbu bsnyengs pa yin la/ de'i 'phro nas lo bdun brgya bzhi bcu rtsa gnyis lon pa lcags pho stag gi lo/ rngog lo tsA ba blo ldan shes rab gshegs pa'i dus zhang tshe spong chos kyi bla mas brtsis pa na/ de yan la lo sum stong nyis brgya bzhi bcu rtsa gsum 'das par bzhed/ de'i 'phro nas lo lnga bcu rtsa bdun pa me mo phag gi lo/ /rje btsun rin po che bsod nams rtse mos gung thang na la rtse nas gsar du chos la 'jug pa'i sgo zhes bya ba'i bstan chos chen po brtsams pa'i dus brtsis pa na/ de yan lo sum stong sum brgya 'das par