[A:121]bzhed/ de nas lo lnga bcu song ba me mo byi ba'i lo la/ rje btsun rin po che grags pa rgyal mtshan bde bar gshegs pa'i dus dpal ldan sa skya paNDi tas brtsis pa na/ de yan la lo sum stong sum brgya lnga bcu 'das par bzhed/ de'i 'phro nas drug cu rtsa gcig song ba me mo glang gi lo la/ 'phags pa rin po ches chu mig tu brtsis pa na/ de yan la sum stong bzhi brgya dang bcu gcig 'das par bzhed/ bdag chen rdo rje 'chang chen po blo gros rgyal mtshan dpal bzang po ston pa mya ngan las 'das nas lo sum stong drug brgya sum cu rtsa gnyis la mya ngan las 'das/ de nas brtsis pa'i lo lnga bcu rtsa bdun na me pho phag gi lo stag gi zla ba'i yar tshes la rje btsun 'di nyid 'khrungs/ lo drug cu re gcig bar chos kyi 'khor lo bskor/ me mo phag gi lo dbo zla ba'i nyer gcig la zhing gzhan du gshegs pa'i tshul bstan/ de ltar na ston pa mya ngan las 'das nas/ bdag nyid chen po 'di nyid mya ngan las 'das pa yan la/ lo sum stong bdun brgya bcu bdun 'das par bzhed lags/ bdag ni skye zhing skye ba thams cad du/ /dam pa khyed dang nam yang mi 'bral zhing / /bka' dang bstan bcos ma lus kun shes nas/ /'gro la ston cing bstan pa 'dzin par shog /lam gyi snying po zab mo bla ma'i lam/ /rgyal bas bsngags pa'i dben pa'i gnas mchog tu/ /tshe 'di'i chos brgyad bya bas ma gos par/ /g.yo med rtse gcig nyams su len par shog /phyogs kun thub bstan rgyas phyir yun ring bar/ /blo gsal khrims ldan bye bas yongs gang nas/ /mkha' mnyam 'gro ba ma lus 'dren slad du/ /zab don rgya mtsho'i dpal la spyod par shog /phan bde kun gyi gzhir gyur dam pa'i chos/ /kun nas kun tu mi nyams bskal pa ru/ /legs par