[A:16]po che nga'i zla la e 'byon/ byon na rtogs ldan gangs kyi seng ge 'dra ba zhig yong ba 'dug gsungs/ shin tu mnyes pa mdzad/ nga rang gi bsam blo yod tsam nas dus dang rnam pa kun tu ri mgo mtho ba zhig mthong dus ya gir chu 'thung gi sgrub pa 'ba' zhig byed rgyu byung na dga' ba la dgongs pa dang / e yong bsam pa 'ba' zhig yod/ rin po che la lags so lags zhus/ yang nged sku mched rnams kyi gzhon shos dpal rab brtan la rin po che de nyid kyi phyag gis dbu la zhum zhum mdzad/ mi 'dis kyang chos mdzad na g.yag sde smyon pa zer ba'i grub thob cig byas chog pa 'dug gsung / de na rje 'di nyid sku gzhon nu nas sems can la phan pa lhur len pa dang / byis pa sku rtsed kyi phyag g.yog pa rnams la yang shin tu byams shing thugs gartsigs che ba dang / chos 'chad pa'i chos khri brtsig pa dang / chos 'chad pa'i tshul dang / yang 'phral skabs 'gar ni sku spyod kyang shin tu rtsal ba'i tshul du yod pa dang / skabs shig khong lcam sring gsum gyis ri ze la phebs pas pha dam pa sangs rgyas kyi sgrub khang gi thod rir phebs/ gcen mo gnyis kyis gzigs mo dang me tog 'thu ba la thag rgyang pa phebs/ rje 'di nyid kyi thugs la nga btsun pa byed pa'i chos sde 'bras yul skyed mos tshal de gang na yod dgongs pa dang / lam de yang gang na yod dgongs cung zad thugs yengs pa las/ rong chung gi dam pa zhabs rjes su grags pa'i thad kyi lam la dzo ki gnyis snga rting log ge 'gro yi 'dug pa las de gnyis gang la 'gro gzigs pas/ skyed mos tshal phyogs la 'gro yi 'dug pa las/ skyed mos tshal