[A:17]gyi lam de 'di na yar la yod dgongs/ lam dang lung pa chos sde ji lta ba bzhin thugs la gsal byung ba dang / sngon chad sku na gzhon pas mtshan gsan pa tsam las med kyang / rgyal ba byams chen rab 'byams pa de nyid kyi mtshan nas smos/ zhes pa dang / bsnyel ba dang ngal ba yang med par skyed mos tshal gyi phyogs la phyag 'tshal zhing bzhugs pas/ nyi ma phyi mor song ba dang gcen mo gnyis kyi dgongs pa la/ rje 'di nyid gar song sku rbab byung ba yin snyam ha las nas byon pas/ da nang ltad mo mdzad sa de ga na spyan chab bsil zhing phyag 'ba' zhig 'tshal gyi bzhugs 'dug /gcen mo legs mdzes drung gis o lo 'di na ci mdzad kyi yod gsungs pas/ khyed sku mched kyi me tog srab mo spar mo gang po 'dis ci yod/ ngas ni skyed mos tshal phyogs la phyag 'tshal zhing bsdad gsung / 'o na de na su yod zhus pas/ de na kun mkhyen rin po che bzhugs mod he he gsung 'di skor/ rje de nyid thugs rjes shin tu 'dzin pa'i ci gsung skyo ngal med par bsgrub pa'i sog po'i rgyal po'i bla ma la sku rtsed dang bcas pa'i gsung lags/ khong pas a tsa ra de gnyis gang lags zhus pas/ a tsa ra zer ba rgya gar gyi sprang po la zer ba yin mod/ khyod kha tshum gsung / der rjes dzo gi gar song ma shes gsung / don la mgon po zhal yin 'dug par bsam mo/ /sngon nas stobs bcu'i 'byor pa bzung ba las/ /bsam shing 'gro ba'i don du gang byon pa/ /de dag chung ngu'i dus nas rgyal sras kyi/ /rlabs chen spyod pas skye rgu'i nyer 'tshor gyur/ /gnyis pa 'khor ba sdug bsngal gyi rgya mtshor