[A:18]gzigs nas mi rtag pas thugs rgyud bskul te dam pa'i chos kyi sgor zhugs nas bstan pa'i rtsa ba tshul khrims ji ltar nos pa'i tshul ni/ 'khor ba'i grong khyer me 'obs ltar gzigs nas/ /thub bstan pad mtshor zhugs te gangs can gyi/ /mkhas grub rnams kyis gtsug gis legs bsten pa'i/ /chos kyi rgyal po khyod la phyag 'tshal lo/ /de nas bcom ldan 'das kyi mdo las/ khyim pa rnams ni me 'obs na gnas pa lta bu/ rab tu byung ba rnams ni bsil khang na gnas pa lta bu'o/ /zhes sogs dang / khrims ni rgyu dang mi rgyu'i sa bzhin du/ /yon tan kun gyi gzhi brten lags par gsungs/ /zhes sogs gsungs pa ltar/ 'khor ba'i khyim thabs ni 'jigs shing nyam nga ba'i sdug bsngal thams cad kyi rtsa bar gzigs/ mtho ris dang byang chub bsgrub pa'i lam ni phan bde thams cad kyi med du mi rung ba'i gzhi chen po lhag pa'i tshul khrims kyi bslab pa kho nar dgongs te mos pa dang / 'khor ba 'di sdug bsngal gyi rgya mtshor 'dug /da lta 'jig rten na sde dpon/ phyug po chen po 'di tsho la nor longs spyod chen po 'dug kyang lo brgya tshun la mi 'chi ba'i mi ni ci yang med/ shi ba'i rjes su rang la khyer rgyu ci yang mi yong / nor mi dgos rang gi lus kyang bya khyis za ba sogs byas te 'khyer rgyu mi yong / shi ba'i rjes su sdig pa chen po rnams ni dmyal ba sogs su skye dgos pa yin 'dug /nged rang la yang da lta mi nor longs spyod dpag tu med pa 'dug kyang / rang 'chi tsa na 'di rnams kyis phan rgyu mi 'dug /'jig rten pa 'di tsho'i snying gi rje ba la/ sdug pa la/ khong tshos bsam blo mthongs 'dug /gang byung ba na/ yang