[A:25] chos byed rgyu ba 'di gas chog pa 'dug /'khor ba sdug bsngal gyi rgya mtsho nyes brgya'i chu srin gdug pas gang ba nas/ dal 'byor gyi mi lus yid bzhin gyi nor bu lta bu rnyed pa'i dus 'dir da lta nyid du chos la ma 'bad na skyes tsam nyid nas 'chi pa'i phyogs su dal ba med par 'gro ba/ gshed mas 'khrid pa'i phyugs bzhin du log pa'i thabs mi rnyed pa/ 'chi ba'i rkyen mang ba/ gson pa'i rkyen nyung ba/ lus 'di ni chu bur dang / rlung nang gi mar me lta bu 'dar yed yed ba/ tshe 'di'i phun tshogs ni nged rang tshe la mi nor gang la bltas kyang gzhan la smon dgos pa med pa la/ dus da lta rmi lam sgyu ma bzhin du gyur/ bsags pa'i nor rnams ni sbrang ma'i sbrang rtsi bzhin du gyur/ rang gis bsags pa mis spyod/ nged rang da lta phogs zhu/ bla ma kun mkhyen rin po che lta bu ma bzhugs/ 'di lta bu nged rang gcig po la yong ba min/ 'khor ba'i sems can kun la yong ba yin/ da cha sems can thams cad kyi don du sangs rgyas thob pa zhig byed dgos pa 'dug /de yang tshe 'di'i ched dang / chos brgyad kyis ma 'dres pa zhig byed bsam pa shar nas/ rgyal ba'i bka' gsung rab rnams la thos bsam byed blo byas kyang yid 'pham me ba dang / sems skyo chod de ba de yun ring po'i bar du byung / yang skabs shig rdo leb dkar mo'i steng du yud gcig bsdad pa'i dus/ bsam blo la kun mkhyen chos kyi rgyal po ni ma bzhugs/ da rdo rje 'chang tshar ba chen po'i drung du 'gro dgos dgongs pa'i tshe/ mi nag po 'jigs su rung ba zhig phyogs byang nas lho ngos la song / de yang gzugs shin tu che ba gtsug lag khang gi spen bad dang kho'i mgo mnyam