[A:26]pa zhig song bas/ nga'i bsam pa la kho nga la bar chad rtsom pa yin 'dug ste/ nged rang tsho'i gnas tshul ni de yin/ bla ma kun mkhyen rin po che 'dra ba ni ma bzhugs/ khyod nga la bar chad byed ma thub na ngo tsha la dgongs pa dang med song / de nas kun mkhyen chos kyi rgyal po'i dgongs pa rdzogs thabs dang / dngul gdung rab gnas ma grub par zhal bkod mthil phyin pa mdzad cing bzhugs/ de nas tshar chen chos kyi rgyal po'i drung du phebs te/ de yang thub stobs kyi dbang phyug tshar chen rdo rje 'chang blo gsal rgya mtsho grags pa rgyal mtshan dpal bzang po zhes mtshan yongs su grags pa de nyid la lus ngag yid gsum cig car phul/ mnyes pa gsum gyi sgo nas mnyes par mdzad nas/ rgyud sde rgya mtsho'i zab don thams cad bka' babs pa'i tshul ni/ rje btsun rdo rje 'chang chen po de nyid kyi thugs rje'i lcags kyus drangs shing / bdag nyid chen po 'di'i sngon gyi smon lam dang / bskal pa dpag tu med pa nas tshogs gnyis bsags pa'i 'bras bu dang / mkha' 'gro chos skyong rnams kyi 'phrin las kyis bskul ba'i stobs kyis/ kun mkhyen chos kyi rgyal po'i dngul gdung rab gnas grub/ rmu shongs dga' ba'i tshal du phebs te/ 'di skad do/ /sngon gyi dus na mkhas grub khyung po de/ /bdag sogs rmu rgod 'gro la brtser dgongs nas/ /dus 'dir tshar chen rdo rje 'chang du grags/ /bdag sogs gdul bya'i re ba skong der 'dud/ /rdo rje 'chang chen po de nyid dang mjal/ phyag rdzas kyi dngos po rnams 'khor gsum yongs su dag par phul/ mnyes pa gsum gyi sgo nas mnyes par byas/ skye ba dpag tu med pa nas rjes su bzung ba'i dam par nges te thugs yid gcig tu 'dres/ rang gi