[A:35]ni cho ga yis/ /phyag na thod pa rnam par bsnams/ /zhes gsungs pa'i sbas pa'i mgon po'am/ gsang ba'i mgon po/ /stobs 'phrog dbang po'i man ngag mtha' yas pa'i sku drin nos pa lags/ thams cad mkhyen pa gong dkar ba nas brgyud de 'ongs pa'i zab chos rnams dang / dur khrod bdag po yab yum gyi rjes gnang yig cha'i lung / gnod sbyin gyi rjes gnang yig cha'i lung / bka' srung dmag zor rgyal mo'i rjes gnang sogs/ rdo rje rab brtan ma'i rjes gnang sogs/ rje btsun bcom ldan 'das ma sgrol ma dkar mo spyan bdun ma yid bzhin 'khor lo tshe sbyin ma'i rjes su gnang ba/ thun mong ma yin pa'i tshe 'khrid/ dpal ldan sa skya pa'i khyad par gyi gdams pa thun mong bsgrubs pas mchog zhor la 'byung ba dmar po skor gsum du grags pa 'di nyid la bla ma so so'i bzhed pa ngos 'dzin mang du 'dug kyang / brgyud pa'i gtso bo bdag chen rdo rje 'chang yab sras kyi bzhed pa'i dbang du byas te/ rje btsun rigs byed ma/ khro bo 'dod pa'i rgyal po/ /tshogs bdag bgegs kyi bdag po gsum yin la/ de dag gi man ngag thun mong dang thun mong ma yin pa ji snyed pa zhig thob pa la/ thog mar dpal kye rdo rje'i rtsa bshad kyi rgyud dang / ku ru kulle'i rtog pa las gsungs pa/ rje btsun rigs byed ma dpa' mo gcig pa'i rjes gnang / thun mong ma yin pa'i dbang bzhi byin rlabs kyi tshul du bskur ba thob/ grub chen Dombhi he ru ka nas brgyud pa'i ku ru kulle lha lnga'i sindhu ra'i dkyil 'khor du dbang bzhi rdzogs su byin rlabs kyi tshul du thob/ yig cha'i lung sogs shin tu tshang ba/ gnyis pa khams gsum dbang