[A:34]zhal gdams su byon pa'i snyan brgyud rin po che rnams thob pa las/ dang po byin rlabs chu bo'i rgyun dang 'dra bas bka' ma nub pa la bka'i skor/ gnyis pa gdams ngag gser 'gyur gyi rtsi dang 'dra ba'i sarga ma log pa la/ rkyang du bsgrub pa dang / sbags te bsgrub pa gnyis/ dang po la pho rkyang / mo rkyang / 'khor rkyang ste sgrub pa gsum/ de'i dang po la yang / bka' sdod ltar sgrub pa/ gnod sbyin ltar sgrub pa/ gshin rje ltar sgrub pa ste bzhi/ gnyis pa la phyi nang gi dbye ba gsum/ gsum pa la thun mo dang thun mong ma yin pa gnyis so/ /sbags te sgrub pa la yang / yab yum sbags te sgrub pa/ lcam sring sbags te sgrub pa/ lcam dral gtso 'khor sbags te sgrub pa'o/ /phyi ma la thun mong dang thun mong ma yin pa gnyis kyi dang po ni/ nag po chen po la lha chen brgyad kyis bskor ba'i man ngag /klu chen brgyad kyis bskor ba'i man ngag sogs dang / gnyis pa thun mong ma yin pa'i phyi nang gsang ba/ yang gsang de kho na nyid sogs rnams dang / de ston byed kyi yi ge'i tshogs/ me 'bar ma'i skor/ snyan brgyud skor/ kha skong skor/ gyi ljang skor/ 'dod khams dud sol ma'i skor/ gsum pa rgyal bas lung bstan rje btsun e waM pa nas brgyud de 'ongs pa dpal rdo rje nag po chen po gur gyi mgon po'i sgrub skor gser pod du grags pa dang / bzhi pa rdzong chung pa nas brgyud de 'ongs pa'i man ngag rnams kyang thob/ mkhas grub mthu stobs dbang phyug nyid kyi drung du/ dpal gsang ba 'dus pa'i le'u bcu bdun par/ drag po mi sdug khros pa ni/ utpal sngon po'i kha dog 'dra/ /phyag bzhi pa