[A:3]brnyan las/ /'jam pa'i rdo rjer mtshan gsol lhag pa'i lha/ /mgon khyod snying dbus padmo'i rtser bzhugs nas/ /zab yangs ngag gi mchog sbyin deng 'dir stsol/ /rgyal ba rdo rje 'chang chen po de nyid chos sku de bzhin nyid las ma g.yos bzhin du/ gzugs sku gnyis kyis gang la gang 'dul gyi/ 'khor ba ma stongs kyi bar 'gro ba'i don mdzad pa las/ 'dir mchog tu gyur pa mtshan nyid dang ldan pa'i rdo rje slob dpon gyi sku'i rnam par bstan pa ste/ de yang / de ni bla ma dpal te bla ma dpal gzhan min/ /dpag med sangs rgyas kyis kyang rtag tu de la mchod/ /phyogs bzhugs sangs rgyas sems dpa' rtag tu de la bdud/ /ces dang / byang chub sems dpa'i sde snod las kyang / rtag par dge ba'i bshes gnyen ni/ /theg chen don la mkhas pa dang / /byang chub sems dpa'i brtul zhugs mchog /srog gi phyir yang mi gtong ngo / /zhes pa dang / rdo rje gur las/ slob dpon ston par gyur pa ni/ /sangs rgyas rnams kyis phyag mdzad pas/ /bdag cag rnams kyi pha dang ma/ /zhes dang / gang la gang