[A:4]'tsham du snang nas kyang sems can gyi don mdzad do/ /seng ger snang nas kyang sems can gyi don mdzad do/ /mdo las/ rgyal pos 'dul ba la rgyal po/ dge sbyong gis 'dul ba la dge sbyong / bram zes 'dul ba la bram ze/ dri zas 'dul ba la dri za rgan po'i gzugs su sprul to/ /zhes pa dang / sangs rgyas mnyam sbyor las/ re 'ga' zhi la re 'ga' khro/ /re 'ga' bgegs chen gdon mdzad cing / /skye dang ri bo thams cad do/ /zhes dang / ba tshwa can chu klung gi mdo las/ lnga brgya tha mar gyur pa na/ /nga nyid slob dpon gzugs 'dzin te/ /nga yin snyam du yid byos la/ /de tshe de la gus pa bskyed/ /ces dang / rdo rje gur las/ rdo rje sems dpa' lta bu yi/ /de ltar slob dpon gzugs 'dzin te/ /sems can rjes su bzung dmigs nas/ /phal pa'i gzugs su gnas pa'o/ /zhes dang / 'phags pa klu sgrub kyi rim pa lnga pa las/ mchod pa thams cad spangs nas ni/ /bla ma mchod pa yang dag brtsam/ /de mnyes pas ni kun mkhyen pa'i/ /ye shes mchog ni thob par 'gyur/ /zhes gsungs pa ltar/ ces sogs kyis mtshon nas mdo rgyud bstan bcos dri ma med pa ji snyed pa las lan cig ma yin par nan tan tu bka' stsal pa dag gis legs par grub pa yin no/ /de lta bu'i rdo rje slob dpon dag gi yon tan rtogs pa brjod pa'ang don dang ldan zhing gleng bar bya ba'i 'os yin te/ ji skad du/ bcom ldan 'das kyi mdo las/ 'di ltar 'jig rten na rigs kyi bla mar gyur pa shAkya rnams kyi skyes pa'i rabs bzung zhing kun chub par byas nas gzhan la yang rgya cher bsnyad na chos dang mthun pa'i bsod nams kyi phung po dpag tu