[A:42]ma zhus pa go ma chod pa'i tshad cig byung / da ni na so rgas nas mi yong 'dug /'on kyang bag chags dang smon lam dgos 'dug pas/ rin po ches sa bcad tsam gnang ba zhu dang gsung / phyag gnyis thal mo sbyor ba'i rnam pa mdzad de gsan pa'i tshul mdzad de sa bcad tsam phul/ thugs yid gcig tu 'dres/ deng nas byang chub snying po mchis kyi bar/ /yi dam mchog gsum dbyer med bla ma la/ /gsol ba btab pas rnam kun rjes bzung ste/ /thugs yid gnyis med 'dres par byin gyis rlobs/ /sa skya pa 'khon gyi gdung brgyud dri ma med pa 'jam pa'i dbyangs kun dga' bsam grub pa'i drung du chos 'brel yod tsam thob/ mkhas btsun dam pa ngag dbang chos grags kyi/ /sras kyi thu bor bcas pa'i zhabs bsten nas/ /bsnyen par rdzogs shing zab lam ji snyed pa/ /gsan cing thugs su tshud la phyag 'tshal lo/ /des na/ rten ni gsum las dge slong mchog /'bring ni dge tshul yin par 'dod/ /khyim na gnas pa tha ma'o/ /zhes dang / dge slong zhes bya chos kyi rgyal mtshan de/ /dge slong zhes bya rdo rje'i srog shing yin/ /zhes dang / tshul khrims ldan pa'i dge slong 'od dang ldan/ /tshul khrims ldan pa grags 'gyur bde ba thob/ /tshul khrims ldan pa 'jig rten kun gyis bstod/ /tshul khrims kyis ni 'gro ba dam pa thob/ /ces sogs mdo rgyud rnams las lan cig ma yin par phan yon dang bsngags pa brjod pa rgya cher gsungs pa rnams kyis thugs yid phrogs te/ rje btsun mkhas grub dam pa 'di nyid kyi drung du/ dgung lo so dgu bzhes pa glang lo smin drug zla ba'i yar ngo sngon du 'gro ba'i tshes