[A:43]brgyad kyi nyi ma bzhir phye ba'i sum cha rdzogs par shar ba'i dus gangs can mkhas grub btsun pa rnams kyi gtsug rgyan spyan snga chos kyi rgyal po ngag dbang chos grags rgyal mtshan dpal bzang po zhes yongs su grags pa de nyid kyis mkhan po mdzad/ mdo sngags bstan pa'i sgron me rje btsun kun dga' bzang po'i rigs kyi dbon po mtshungs med sangs rgyas seng ges las kyi slob dpon/ brtan mkhas kyi yon tan gnyis dang ldan pa'i 'jun pa chos rjes gsang ston/ ngor chen dkon cog lhun grub kyi sku'i dbon po dkon cog dpal ldan pas dus sgo ba mdzad/ shes bya rab 'byams smra ba bkra shis rin cen pa la sogs pa'i mkhas btsun bzang gsum gyi thugs rgyud gtams pa rnams kyis dad pa'i dge 'dun mdzad de/ mdor na mkhan slob dge 'dun 'dus pa dang bcas pa'i dbus su bsnyen par rdzogs pa thob/ sangs rgyas kyi bstan pa la zhugs la yongs su rdzogs pa'i sgo nas ngur smrig gi rgyal mtshan 'dzin pa rnams gtsug gi nor bur gyur to/ /de'i tshe mdo sde dran pa nyer gzhag las/ ji ltar gsungs pa ltar bstan pa la dga' ba'i lha rnams kyis lha rdzas kyi me tog gi char 'bebs/ sangs rgyas kyi bstan pa dang dkar po'i lha'i phyogs ni yar ngo'i zla ltar gong 'phel du gyur/ lha ma yin dang nag po'i phyogs rnams ni/ sgra gcan gyis khar ltung ba'i rgyu skar bdag po bzhin du mi gsal zhing 'grib par 'gyur/ snyan pa'i grags pas sa steng thams cad khyab cing / sa bla'i lha rnams kyis rgyal chen rigs bzhi pa'i lha rnams la bsgrags/ de dag gis sum cu rtsa gsum pa'i lha rnams dang /