[A:47]sogs nas brgyud pa'i gshin rje nag po'i skor/ dpyal lo tsA ba sogs nas brgyud pa'i gshin rje gshed dmar po'i chos skor/ sham bha la'i bshad srol dus 'khor skor/ jo bo rje dpal ldan a ti sha nas brgyud pa'i lha bzhi'i chos thig le bcu drug la sogs pa bka' gdams lugs kyi chos skor/ grub chen dam pa rgya gar nas brgyud pa'i zhi byed chos skor/ bod yul gyi rang byung gi mkha' 'gro ma'i chos skor/ spyod rgyud dkyil 'khor bcu gnyis kyis gtsos pa'i skor/ slob dpon padma 'byung gnas nas brgyud pa'i gsang sngags snga 'gyur gyi chos mang po/ /kun mkhyen bu lugs skor yang mang po/ /mdor na 'phags yul nas 'gyur ro cog /bod yul na grags pa'i rdo rje theg pa'i chos tshul phal mo che gsan par mdzad cing / de dag kyang gsan pa tsam du ma zad dpyis phyin par tshig don gyi sgro 'dogs mtha' dag chod par mdzad pas/ rdo rje theg pa'i zab lam ji snyed pa'i mnga' bdag chen por bzhugs pa yin cing / lhag par dpal ldan sa skya pa'i snyan brgyud kyi gdams pa zab mo rnams yongs su rdzogs par bzhugs shing / thugs gtsigs su mdzad cing / thugs nyams su bzhes pas nges pa'i shes pa gting nas skyes pas slob ma yang slob brgyud 'dzin dang bcas pa rnams skal pa bzang por shes par gyis shig /de dag kyang 'dir yi ge mang pas 'jigs pas zhib par ma bris/ don du gnyer ba'i dpyod ldan dag gis rje bla ma'i gsan yig thor bu dag dum bu mang por gnas pa dag las shes bar bya'o/ /gsung chos kyi bka' drin mang du nos pa la/ yongs 'dzin de dag